Վիքիպեդիայից՝ ազատ հանրագիտարանից
Վարդուհի Կարապետի Վարդերեսյան (մարտի 19, 1928(1928-03-19), Բուխարեստ, Ռումինիա - նոյեմբերի 24, 2015(2015-11-24)[1], Երևան, Հայաստան[2]), հայ դերասանուհի, ՀԽՍՀ և ԽՍՀՄ ժողովրդական արտիստ։
Հայաստանի արվեստի վաստակավոր գործիչ Գևորգ Աբաջյանի կինն է։
Ծնվել է 1928 թվականի մարտի 19-ին, Ռումինիայի մայրաքաղաք Բուխարեստում։ Դերասան, թատերագետ Գևորգ Աբաջյանի կինն է։ 1946 թվականին տեղափոխվել է Հայաստան։ Առաջին բեմելը եղել է Նուբարաշենի ինքնագործ թատրոնում։ 1947 թվականին ընդունվել է Լենինականի դրամատիկական թատրոնին կից ստուդիա և նույն թվականից խաղացել է թատրոնում։ 1958 թվականից տեղափոխվել է Երևանի Սունդուկյանի անվան թատրոն։ Կերտել է բազմաթիվ դերեր թատրոնում՝ Շիրվանզադեի «Պատվի համար»՝ Մարգարիտ, Չեխովի «Բալենու այգի»՝ Ռանևսկայա, Դյուրենմաթի «Ծեր տիկնոջ այցը»՝ Քլերի Ցախնասյան, Սարոյանի «Իմ սիրտը լեռներում»՝ Ջոնի, Շանթի «Հին աստվածներ»՝ Իշխանուհի և այլն։ Խաղացել է նաև արևմտահայ դերերում՝ «Պաղդասար աղբար»՝ Անույշ և այլն։ Նկարահանվել է «Պատվի համար», «Մոր սիրտը», «Ճանապարհ դեպի կրկես», «Հայրիկ», «Կարինե» և այլ ֆիլմերում։ Հայաստանի Ազգային ռադիոյի ոսկե ֆոնդում ունի ավելի քան 100 ձայնագրություն։ 1958 թվականից նկարահանվել է հեռուստաներկայացումներում, ի դեպ՝ եղել է առաջին հեռուստաներկայացման դերասանուհիներից։ 1985 թվականին հրավիրվել է Սիրիայի Հալեպ քաղաքի «Ադամյան» թատրոն, որտեղ արժանացել է ոսկե մեդալի։ Ստացել է բազմաթիվ պետական բարձրագույն պատվոգրեր, մրցանակներ, շնորհակալագրեր։ 1965 թվականին արժանացել է ՀԽՍՀ, 1988 թվականին՝ ԽՍՀՄ ժողովրդական արտիստի կոչմանը։ 1995 թվականին պարգևատրվել է ՀՀ Մովսես Խորենացու մեդալով, 2001 թվականին՝ Երևանի պատվավոր քաղաքացու կոչումով, 2013 թվականին՝ Սուրբ Մեսրոպ Մաշտոցի շքանշանով[3]։
- Ամուսինը՝ Գևորգ Աբաջյան, թատերագետ և գրականագետ
- Ավագ որդին՝ Վահրամ Աբաջյան, դիվանագետ
- Կրտսեր որդին՝ Սուրեն Աբաջյան, դաշնակահար[4]
- ՀԽՍՀ ժողովրդական արտիստ (1965 թվականի մարտի 11)
- ԽՍՀՄ ժողովրդական արտիստ (1988)
- Ժողովուրդների բարեկամության շքանշան[5]
- «Պատվո նշան» շքանշան (1956 թվականի հունիսի 27)
- Մովսես Խորենացու մեդալ(1995)
- ՀԽՍՀ պետական մրցանակ
- Երևանի պատվավոր քաղաքացի (2001)[5]
- Արտավազդ մրցանակաբաշխության Վարդան Աճեմյանի և Արուս Ասրյանի անվան մրցանակ «Տիկնոջ այցելությունը» ներկայացման մեջ Կլարա Ցախանասյանի դերի համար
- Սուրբ Մեսրոպ Մաշտոցի շքանշան (2013)
- Գյումրու պատվավոր քաղաքացի (2013)[6]
|
|---|
| | 2008 թվական | | |
|---|
| | 2009 թվական | |
|---|
| | 2010 թվական | |
|---|
| | 2011 թվական | |
|---|
| | 2012 թվական | |
|---|
| | 2013 թվական | |
|---|
| | 2014 թվական | որևէ մեկը չի պարգևատրվել |
|---|
| | 2015 թվական | Մեծի Տանն Կիլիկիո Կաթողիկոս Ն. Ս. Օ. Տ.Տ Արամ Ա |
|---|
| |
|
Ռումինիայի թագավորություն, 
ԽՍՀՄ և 
Հայաստան
